Innheimta

Lögmál ehf. býður upp á öfluga lögfræðiinnheimtu vanskilakrafna, þar sem lögð er áhersla á vönduð og hröð vinnubrögð.

Lögmál ehf. hefur á að skipa lögmönnum og innheimtufulltrúum sem hafa áralanga og víðtæka reynslu af innheimtustörfum. Hafa starfsmenn félagsins yfirgripsmikla þekkingu á innheimtu vanskilakrafna. Ljóst er að oft þarf að hafa hraðar hendur til að tryggja réttindi kröfuhafa og auka möguleika þeirra á fullnustu krafnanna. Það hafa starfsmenn Lögmáls ehf. að leiðarljósi við innheimtumeðferð einstakra mála, auk kurteisi og virðingar í garð skuldara. Lögfræðiinnheimta er fólgin í því að beitt er þeim lögfræðilegu úrræðum sem til boða standa hverju sinni – allt eftir eðli hverrar kröfu fyrir sig. Jafnan leggst innheimtuþóknun skv. gjaldskrá Lögmáls ehf. ofan á kröfurnar, þannig að skuldarar greiði þá kostnað sem á innheimtumálið fellur. Reynt er að að lágmarka fjárhagstjón kröfuhafa fari svo að skuldarar geti ekki greitt kröfurnar ásamt áföllnum kostnaði – vegna eignaleysis eða gjaldþrots þeirra.

Lögmál ehf. gerir jafnan samninga við stærri kröfuhafa um fyrirkomulag innheimtumála. Lögmál ehf. leggur áherslu á að skila kröfuhöfum innheimtum fjármunum án tafar – er þar boðið upp á dagleg skil – vikuleg skil eða mánaðarleg skil, allt eftir umfangi innheimtunnar og fjölda krafna einstakra kröfuhafa. Lögmál ehf. tryggir kröfuhöfum greiðan aðgang að upplýsingum um stöðu krafna í innheimtumeðferð hjá félaginu og eru lögmenn og aðrir starfsmenn félagsins ávallt reiðubúnir til þess að ræða við kröfuhafa og tengiliði þeirra um stöðu og framvindu innheimtumála.

Gerum föst tilboð í innheimtur sé þess óskað.
Hafið samband við okkur í síma 511-2000 eða sendið fyrirspurn á logmal@logmal.is sé frekari upplýsinga óskað.